Heisei

ISBN : 978-2-84618-740-4 — auteur : Joan-Francés Blanc — langue : gascon (occitan) ; français — format : 12x16 cm — nombre de pages : 118 — illustrations : sans.

Aquí qu’èm hens un « space opera » qui’ns demia, au sègle
XXIau, deu parçan de las Pirenèas, sus ua Tèrra mond-virada, entà-d ua planeta-preson Heisei, en un raconte negue e sagnós qui hè pantaishar tot de long deu libi.
Lo Francés Pojada qu’es un « godaric », un resistent qui’s hè gahar preus sordats de l’empèri qui dauneja daravant sus Tèrra. Que serà lèu deportat sus ua planeta desconeishuda, au cap d’un viatge entergalactic deus longuèirs. Viatge hastiau, holejant capvath l’in.hèrn que representa ua fusada ond s’acarcússan milèrs de presoèirs, tantvau bèstias de nada valor. E mei los subervius que’s tumaran en d’autes trabucs. Mès acò qu’at sauratz en bèth entamiar lo raconte. Solide que’vs tienerà dinc’a la fin de la fin, e que’vs harà
dòu de que s’arrèsti tan viste... Ua Sciéncia-Ficcion en gascon de las qui agràdan.

Joan-Francés BLANC , vadut en 1961 en Agen, qu’es engenhaire en informatica a París. Qu’estó tabé president de l’Institut d’Estudis Occitans d’Isla-de-França. Lingüista e istorian de formacion, qu’a arradics en Labrit e Albigés.